15.
| 1 | Abiit ergo hebdomas, venit octava. |
| 2 | Abiit heri, venit hodie: illud hodie quod promissum est, quo admoniti sumus vocem Dei audiendam et sequendam. |
| 3 | Abiit ergo ille dies Testamenti veteris, venit dies novus, quo Testamentum consummatum est novum, de quo dicit: Ecce dies veniunt, dicit Dominus, et confirmabo domui Israel et domui Iuda Testamentum novum: non secundum Testamentum, quod feci patribus illorum in die, qua apprehendi manum ipsorum educere illos de terra Aegypti (Hebr. VIII, 8). |
| 4 | Et qua ratione mutatum sit Testamentum adiicit: Quoniam ipsi non manserunt, inquit, in Testamento meo. |
| 5 | et ego neglexi eos, dicit Dominus (Ibid., 9). |